Дастур Ўзбекистонда фуқаролик жамиятини ривожлантиришнинг самарали механизмларини жорий этиш ва фуқароларни жамоат бошқарувига жалб этишга қаратилган (2019—2021 йиллар).

Фаолият йўналишлари:

• давлат органлари ҳузурида ташкил этилган жамоатчилик кенгашлари фаолиятини ривожлантиришни рағбатлантириш орқали фуқароларнинг давлат ва жамият бошқарувида фаол иштирокини қўллаб-қувватлаш;
• ННТ ва бошқа фуқаролик жамияти институтлари фаолиятини ривожлантириш бўйича таклифлар ишлаб чиқиш;
• фуқаролик жамияти институтлари салоҳиятини ошириш, ҳамкорликни ривожлантириш ва уларни ҳар томонлама қўллаб-қувватлаш.

Нима иш қилинди?

• ННТ вакиллари учун 6 та коворкинг майдони очилди (Тошкент, Навоий, Фарғона, Қўқон, Урганч), бу ерда ННТлар ва волонтёрлар учун тренинглар, учрашувлар, давра суҳбатлари ўтказилади;
• Ўзбекистон жамоатчилик кенгашлари форуми ўтказилди;
• Фуқаролик ташаббуслари фестивали ўтказилди. Унинг доирасида бутун республика бўйлаб 20 дан ортиқ тадбирлар ўтказилди: конференциялар, давра суҳбатлари, тренинглар, фуқаролик жамиятини ривожлантиришга қўшган ҳиссаси учун тақдирланган “Орамиздаги қаҳрамонлар” акцияси ва “Фаол ННТ” танлови ғолибларини тақдирлаш маросими; 
• ННТ фаолиятини ташкилий ривожлантириш учун 9 та грант ажратилди;
• Давлат органлари ҳузуридаги жамоатчилик кенгашларини ривожлантириш учун 5 та грант ажратилди;
• Миллий ва маҳаллий даражадаги қарорлар қабул қилиш жараёнларида фуқаролик жамиятининг иштирокини кенгайтириш учун 5 та грант ажратилди;
• Ажратилган грантларнинг умумий миқдори 182 500 долларни ташкил этди;
• "Ташкилий ривожланиш" мавзусида 2 марта “ННТ мактаби” ўтказилди, унда 40 дан ортиқ ННТ вакиллари ўз салоҳиятини оширди;
• ННТ вакиллари учун Ижтимоий инновациялар лабораторияси ташкил этилди;
• Веб-академиянинг 10 та курси ўзбек тилига таржима қилинди;
• Давлат органлари ҳузуридаги жамоатчилик кенгашлари фаолиятини ташкил этиш ва ривожлантириш бўйича услубий қўлланма ишлаб чиқилди;
• "Грантлар ва стажировкалар" телеграм канали очилди;
• "Ўзбекистонда демократия" ойлик ахборотномасини уч тилда чоп этиш йўлга қўйилди. 

Дастур АҚШнинг Халқаро тараққиёт агентлиги (USAID) молиявий кўмагида “АРГО” фуқаролик жамиятини ривожлантириш Ассоциацияси (Қозоғистон) билан ҳамкорликда амалга оширилди