@uzbyuksalish

Telegram

@uzbyuksalish

"ЮКСАЛИШ" УМУММИЛЛИЙ ҲАРАКАТИГА АЪЗО БЎЛИШ

Нодавлат нотижорат ташкилотлар учун

Нодавлат нотижорат ташкилотлари ва фуқаролик жамиятининг бошқа институтларини Ҳаракатга қўшилишларини таклиф этамиз!

Аъзо бўлиш
Аъзолар учун имкониятлар

ИШТИРОКЧИЛАР УЧУН ИМКОНИЯТЛАР

 

ННТ ВА БОШҚА ФУҚАРОЛИК ЖАМИЯТИ ИНСТИТУТЛАРИ УЧУН ИМКОНИЯТЛАР

“Юксалиш” умуммиллий ҳаракатида иштирок нодавлат нотижорат ташкилотлари учун мақсадларига эришиш йўлида кўплаб манбалардан фойдаланишга имконият очиб беради.

Ҳаракатнинг рўйхатдан ўтган иштирокчилари учунгина очилган веб˗сайт бўлими логин (исм) ва калит сўз (пароль) киритиш орқали ишга тушадиган интерактив компонентдир. 

Ҳаракатга аъзо бўлишнинг афзалликлари:

ННТ учун воситалар

ННТ, давлат ташкилотлари, академик ҳамжамият ва бизнес иштирокида ҳамкорлик учун майдон.

Ўтказилажак тадбирлар ҳақида ахборотни жойлаштириш ҳамда лойиҳа учун ҳамкор топиш мақсадида бутун дунё бўйича Ҳаракатнинг бошқа аъзоларига сўров юбориш имконияти. Ҳаракат иштирокчилари УМҲ аъзоси сифатида рўйхатга олинган ҳар бир ННТ ҳақида маълумот олиши мумкин.

ННТлар фаолиятига тегишли амалий манфаат касб этувчи, жумладан, грантлар ва молиявий қўллаб˗қувватлаш, ҳамкорлик алоқаларини йўлга қўйиш, қонунчиликдаги ўзгаришлар ҳақидаги ахборотнинг доимий келиб туриши.

Ўқитиш ва таэриба алмашинуви

ННТ ва умуман ҳаракат вазифаларининг самарали амалга оширилиши учун ННТ иштирокида инновацио ғоялар ва энг сара тажрибалар алмашинувини кўзда тутувчи тадбирлар.

ННТ учун янги технологиялар, ресурсларни жалб этиш масалалари, стратегик режалаштириш, оммавий аборот воситалари билан алоқалар ва бошқа кўплаб амалий масалалар бўйича етакчи халқаро экспертлар билан семинарлар.

Ахборот ресурсларидан фойдаланиш

Ҳаракат янгиликларининг ойлик электрон бюллетенлари, долзарб масалаларга оид мақолалар, ННТ учун амалий манбалар. ННТларнинг жорий фаолияти ва режалаштирилаётган тадбирлари тўғрисидаги ахборотларнинг тақдим этилса, янада яхши. ННТ янгиликларига обуна руйхатдан ўтган иштирокчилар учун бепул.

Ҳаракат ташкиллаштирган семинар, конференция ва симпозиумларда тақдим этилган энг сўнгги мақола ва тақдимотлар, шунингдек, бошқа материаллар ва амалий қўлланмалардан фойдаланиш имконияти.

ННТлар учун қўлланма мутахассислар ва амалиётчилар гуруҳи таклиф этган ННТ бошқаришнинг энг яхши тажрибалари ҳақидаги материаллар тўпламидир.

Ҳаракатнинг махсус баёнотлари ва монографиялари, архив материаллари.

Қарор қабул қилишда иштирок

Конференция ва симпозиумлар материаллари, Ҳаракат иштирокчиларининг таклифлари давлат органларига кейинги муҳокама ва тегишли қарорлар қабул қилиш учун юборилади.

Ҳаракат нодавлат нотижорат ташкилотларининг қонунчиликни ҳамда фуқаролар ва фуқаролик жамияти институтларининг манфаатларини ҳимоя қилиш тизимини такомиллаштириш масалаларидаги қўшовози давлат бошқарувининг барча даражаларида инобатга олинишида ҳамкорлик кўрсатади.

Аъзолар учун имкониятлар
Аъзолар учун имкониятлар

АъЗОЛАР УЧУН ИМКОНИЯТЛАР

 

Аъзолар учун имкониятлар

“Юксалиш” умуммиллий ҳаракатига аъзолик Сизга ўз мақсадларингизга эришишингиз учун турли ресурслардан фойдаланиш имконини беради.

Ҳаракат веб-сайтида аъзолар учун интерфаол бўлим мавжуд бўлиб, унга махсус логин (исм) ва пароль орқали кириш мумкин.

Ҳаракатга аъзо бўлиш афзалликлари:

Интелектуал салоҳиятни ошириш

  • Янги лойиҳалар, технологиялар, инновациялар, стратегик режалаштириш, жамоатчилик билан алоқалар, ижтимоий-иқтисодий ривожланиш ва бошқа шу кабилар учун ресурсларни сафарбар қилиш бўйича етакчи халқаро экспертларнинг иштирокида ўқув семинарлар.
  • “Юксалиш” умуммиллий ҳаракати инновацион ғоялар ва энг яхши тажрибалар билан алмашиш учун ННТлар, халқаро ташкилотлар, давлат органлари, бизнес вакиллари, академик ва илмий доиралар иштирокида тадбирларни ташкил этади.

Қарорлар қабул қилиш жараёнларида иштирок этиш

  • Анжуманлар ва симпозиумлар якунида қабул қилинган хулосалар, Ҳаракат иштирокчиларининг таклифлари мутасадди вазирлик ва идораларга муҳокама ва тегишли қарорлар қабул қилиш учун тақдим этилади;
  • Ҳаракат қонунчиликни янада такомиллаштириш, фуқаролар ва фуқаролик жамияти институтларининг манфаатларини ҳимоя қилишда иштирокчиларнинг умумий фикрини ҳукуматнинг барча даражаларига етказишда ёрдам беради;

Ахборот ресурсларидан фойдаланиш

  • “Юксалиш” умуммиллий ҳаракати томонидан ташкил этиладиган семинар, конференция ва симпозиумларда тақдим этилган мақола ва тақдимотлардан, шунингдек, бошқа материаллар ва амалий қўлланмалардан, архив нашрларидан, Ҳаракатнинг махсус ҳисоботларидан фойдаланиш имконияти;
  • Аъзоларга грант ва молиявий қўллаб-қувватлаш, стратегик менежмент, стратетегик бошқарув, алоқалар ўрнатиш ва бошқалар йўналишлар бўйича маълумотлар тақдим этиб борилади.

Фойдали алоқа маълумотлари

  • Иштирокчилар Ҳаракат аъзолари сифатида рўйхатдан ўтган ташкилотлар ва идоралар тўғрисида маълумот олиш имкониятига эга бўладилар. “Юксалиш”нинг бошқа иштирокчилари билан ҳамкорликда ўз мақсадларини амалга ошириш, керакли ресурсларни излаб топиш, ўзаро ҳамкорликни йўлга қўйиш, профессионал ва шахсий ривожланиш имкониятини беради. “Юксалиш” умуммиллий ҳаракати нодавлат нотижорат ташкилотлари, давлат идоралари, академик доиралар ва бизнес ҳамжамияти билан ҳамкорлик қилиш учун платформалар тақдим этади.
Аъзолар учун имкониятлар

Якка тартибдаги иштирокчилар учун

"Юксалиш" умуммиллий ҳаракати мақсадларини қўллаб-қувватловчи шахсларни якка тартибда аъзо бўлишга чорлаймиз!

Аъзо бўлиш
Аъзолар учун имкониятлар

РЕГЛАМЕНТ

 

1. Регламент предмети

1.1. Мазкур Регламентнинг мақсади лойиҳаларни амалга оширишга қаратилган шерикчилик алоқаларини ўрнатиш ҳамда томонларнинг узоқ муддатли, самарали ва ўзаро манфаатли ҳамкорлигини йўлга қўйишдир.

1.2. Томонлар умумқабул қилинган тажрибадан келиб чиқиб, тенгҳуқуқлилик, ҳурмат ва ишончга асосланган ҳамкорликни амалга оширишни ирода қилади.

1.3. Ушбу регламентни бажариш жараёнида томонлар ўз фаолиятини Ўзбекистон Республикасининг амалдаги қонунчилиги доирасида амалга оширади.  

2. Томонларнинг ҳамкорлик йўналишлари

2.1. Мазкур регламент доирасида томонлар қуйидаги вазифаларни бажариш борасида ҳамкорлик қилишга келишади:

- ижтимоий аҳамиятга молик лойиҳаларни тарғи қилиш ва амалга оширишда кўмаклашиш;

- халқ ва бизнес ҳамжамияти билан очиқ диалогни йўлга қўйишга ёрдам бериш;

- самарали жамоатчиилк назорати тизимини шакллантиришда ҳамкорлик қилиш;

- ҳукумат ва давлат бошқаруви органлари, нодавлат нотижорат ташкилотлари ва бошқа фуқаролик жамияти институтлари, шунингдек, фуқаролар ва айниқса ёшларнинг куч ва имкониятларини бирлаштиришда иштирок этиш;

- жумладан, Давлат дастурида кўзда тутилган ислоҳотларнинг Ўзбекистон Республикаси Олий Мажлиси палаталари ва маҳаллий Халқ депутатлари кенгашлари муҳокамаларида  иўтирок этиш;

- Ўзбекистон Республикаси ижтиомий˗иқтисодий соҳасида томонларнинг ижобий имиджини шакллантириш;

- мазкур регламент предметини амалга ошириш учун максимал қулай шароитларни яратишга қаратилган ташаббусларни ишлаб чиқиш ва тегишли тартибда мутасадди давлат ва маҳаллий ўзини ўзи ошқариш органларига юбориш;

- ҳамкорликдаги  тадбрларни — семинар, конференциялар ва давра суҳбатларини  ташкиллаштириш ва ўтказиш.

3. Ўзаро ҳамкорлик шакллари

3.1. Ҳамкорлик соҳасига тегишли ахборот билан алмашиниш (томонларнинг бир бирларига хабар юбориш, вакиллар учрашувини ташкиллаштириш ва ҳ.к. орқали).

3.2. Томонларнинг фаолияти ва амалий манфаат касб этувчи масалалар юзасидан консультациялар.

3.3. Ўзбекистон Республикасида ислоҳотларнинг амалга оширилиши тўғрисида жамоатчиликни хабардор қилиш, мамлакатдаги ўзгаришлар борасида аҳоли фикрини ўрганиш, ислоҳотларни амалга оширишга аҳолининг барча қатламларини жалб қилиш, шу билан бирга Давлат дастурида белгиланган вазифаларни амалга оширишга йўналтирилган ҳамкорликдаги тадбирларни режалаштириш (дастурларни ишлаб чиқиш).

3.4. Ҳамкорликдаги комиссия, қўмиталар, ишчи гуруҳлари, бошқа консультатив, эксперт органларни ташкил этиш ва биргаликдаги ишини таъминлаш.

3.5. Томонларнинг ҳамкорлик мақсадлари эришилишига йўналтирилган келишувларни амалга ошириш.

4. Ҳамкорликни амалга ошириш

4.1. Мазкур регламентга қўшимча тарзда томонлар ҳамкорликни ривожлантириш тадбирлари дастурини имзолашлари мумкин. Томонларнинг имзосидан кейин дастур регаментнинг ажралмас қисмига айланади.

4.2. Келишилган муддатда томонлар регламентни амалга оширилиш тартибини кўриб чиқадилар ва ўзаро манфаатли ҳамкорликнинг кейинги истиқболлари, йўналишлари ва шаклларини белгилайдилар.  

5. Қўшимча шартлар

5.1. Мазкур регламентни имзолаш томонлар ўртасида юридик ва молиявий мажбуриятларни белгиламаслиги алоҳида келишиб олинади. Бундай мажбуриятлар юзага келиши учун улар бошқа келишувларни расмийлаштириши керак бўлади.

5.2. Мазкур регламент ундаги шартларнинг бажарилмагани учун томонларнинг жавобгарлигини юзага келтириш учун асос бўлолмайди (ҳеч бир тараф бошқасига шартни бажармаганлиги, муддат ўтгани ва регламентни бузгани сабабли зарар(чексиз, шу жумладан), йўқотишларни қоплашга мажбур эмас).

5.3. Тегишли келишувлар тузилмасдан туриб, мазкур регламентга нисбатан ҳеч бир томон иккинчи томоннинг мажбуриятлари ва қарзларига жавобгар бўлмайди, иккинчи томоннинг агенти сифатида фаолият юритмайди.

5.4. Ушбу регламент шартларини бажариш жараёнида ҳар томон ўз харажатларини ўзи қоплайди, тегишли келишувлар доирасидаги ҳолатлар бундан мустасно.

5.5. Ушбу регламент доирасидаги ҳамкорлик давомида томонлар бир бири билан келишмасдан туриб расмий эълонлар билан чиқмайди.

5.6. Иштирокчи сертификатини олгач, томон ундан амалдаги қонунчилик, шунингдек,  “Юксалиш” умуммиллий ҳаракати вазифаларига зид келадиган мақсадларда фойдалана олмайди.

6. Қонунчиликка амал қилиш 

6.1. Томонлар мазкур регламентни амалга ошириш, шунингдек, алоҳида битимлар барча амалдаги қонунлар доирасида бўлишини келишиб олишди.

6.2. Томонлар предмети, амал доираси ва шартлари ўхшаш келишувларни бошқа юридик шахслар билан ҳам амалга ошириш ҳуқуқига эга. Ўз фаолиятида томонлар контагент танлашда мутлақ эркиндирлар. 

7. Конфиденциаллик  

7.1. Мазкур регламент ва у асосда имзоланган бошқа келишувлар доирасида томонлар бошқа томондан олган ҳар қандай маълумотни сир сақлашга мажбурдирлар.

7.2. Томонлар мазкур регламент шартлари, бошқа томондан конфиденциал қабул қилинган ёки махфий характерга эга деб ҳисобланиши керак бўлган ахборотнинг конфиденциаллигини сақлашга мажбур.