@uzbyuksalish

Telegram

@uzbyuksalish

«Юксалиш» ҳаракати Термин давлат университети билан ҳамкорликда талабалар учун янги лойиҳаларни амалга оширади

 2019-06-04 12:45:34   |     Просмотров: 5195

«Юксалиш» ҳаракати раиси Акмал Бурҳанов Термиз давлат университети талабалари билан учрашиб, бугунги кунда Ўзбекистонда амалга оширилаётган ислоҳотлар, хусусан ёшлар учун яратилаётган имкониятлар ҳақида маъруза қилди. Шундай қилиб, Ҳаракатнинг мақсад ва вазифалари, фаолият йўналишлари, фуқаролар, хорижда истиқомат қилаётган ватандошлар ва ННТларни ихтиёрийлик асосида бирлаштириш масалалари таъкидланди.

Мулоқот давомида Акмал Бурҳанов ўзининг мисолида хориждаги таълим тизими, у ерда яратилган шароитлар, ҳаётга мослашиш ва қийинчиликлар ҳақида қимматли маслаҳатлар берди. Шундай қилиб, ёшлар учун фойдали бўлган маслаҳатлар ва муваффақиятга эришиш сирлари билан ҳам ўртоқлашди.

Жумладан, бугунги кунда хорижий давлатларда таълим олиш тўғрисидаги ҳужжатларни тан олиш ва нострификация қилиш тартибидаги соддалаштириш, чет элда таълим олиш ёки малака ошириш истагида бўлган ёшлар учун “Эл-юрт умиди” жамғармасининг ташкил этилгани ва яна бошқа кўплаб йўналишлар бўйича маълумотлар берди.

Таъкидланганидек, «Юксалиш» умуммиллий ҳаракати Термиз давлат университети билан яқин ҳамкорликни йўлга қўйишга тайёр. Бунда Ҳаракатнинг ёшларга қаратиладиган миллий ва халқаро лойиҳаларида университет талабаларини ҳам яқиндан жалб этиш, уларнинг саъй-ҳаракатларини бирлаштириш ва ташаббусларини қўллаб-қувватлашга келишиб олинди.

Мулоқот давомида томонлар «Парламент модели» лойиҳасини Термиз давлат университетида ўтказиш ва унда ёшлар учун долзарб мавзуларни танлаш масалаларини муҳокама қилишди.

«Юксалиш»  ҳаракати матбуот хизмати